اولا هنبدا بسم الله الرحمن الرحيم
النهارده جايبه طريقتى فى عمل المحشى كرنب وورق عنب وكوسه وفلفل
** المكونات **
ورق عنب وكرنب وكوسه وفلفل اخضر
رز مصرى
خضرة محشى (شبت وبقدونس وكسبره خضرا)
(والكميات طبعا حسب كمية الورق والخضار اللى هتحشيه)
** صلصة المحشى **
وطريقة الصلصه معروفه وهى نحمر البصل لحد ما لونه يبقى اصفر دهبى ونضيف له عصير الطماطم ونحط الملح وفلفل اسود وكمون وكسبره ناشفه ونسيبهم يتسبكوا مع بعض كويس لحد ما تتقل
وده شكلها بعد ما جهزت...........
" />
الخضره نضفتها ونقعتها شويه فى ميه وخل عشان نتخلص من التراب
وبعدين غسلتها كويس كذا مره وحطيتها فى مصفاه وبعدين قطعتها
" />
نجهز الكرنب نقطع الراس بتاعته ونفصل الورق بالراحه ونسلقه فى ميه بتغلى مضاف لها معلقة زيت وكمون وملح كده
" />
" />
ونطلعه نصفيه وقطعته عشان يكون جاهز للحشو
" />
" />
وكده يكون الكرنب جاهز للحشو
بقطع العروق اللى فى الورق وانا بجهزه واحط منها فى قاع الحله اللى هحط فيها المحشى كده
" />
وطبعا نغسل الارز ونصفيه كده
" />
ونخلط الارز مع الخضره والصلصه ونظبط الملح ونحط من التوابل بتاعتنا ومعلقة كبيره كسبره ناشفه عشان الطعم والريحه ومعلقه من الكمون ونقلب كله وكده يكون الحشو جاهز
" />
وبعدين ابدا احشى وارص فى الحله و هنابعد ما خلصت
" />
** بالنسبه لورق العنب **
بنضف الورق واشيل العرق منه واسلقه فى ميه فيها زيت وكمون وعصير ليمون واحط قشر الليمون فيها عشان بيدى طعم للورق وكمان بيخلى اللون جمييييييييل ومش يسود
" />
واسلق كمان العيدان بتاعته معاه واصفيهم فى مصفاه وده شكله بعد السلق
" />
برص العيدان فى الحله عشان تحمى المحشى من تحت وكمان بتدى طعم وريحه للمحشى
وابدا احشى انا حطيت فى الحله اللى سبكت فيها عادى ما كله من بعضه يعنى ههههههههههههههه مش كسل على فكره
وبعدماارص شوية من محشى ورق العنب باحط شرايح ليمون عشان يدى مزازه جميله
" />
** الكوسه والفلفل **
بغسلهم واقورهم
" />
وابدا احشى الكوسه بس لازم مش اكبسها اوى فى الحشو وكمان مش نملاها اوى يعنى نسيب مسافة عقله كده عشان الرز يستوى وياخد راحته وهيتمدد ويزيد حجمه فما يخرجش بره الكوسه ونوقف الكوسه كده
" />
وتبعا مننساش اننا نبقا نحطهم ع النار يستوى (( بالف هنا وشفا ))
" />
" />
" />
موضوع: ♠♠ المحشى من مطبخى ..........بالصور ♠♠ 
الأربعاء أغسطس 13, 2014 7:22 pm
ههههههههههههههه دايما رافع من روحى المعنوية قيصر ههههههههههه المهم اتعشا انا مش حرماك من حاجة اهو ههههههههههههههه
